ອົດ​ສະ​ຕຣາ​ລີ ຈະຕັ້ງໂຮງງານ​ຜະ​ລິດ​ລູກ​ສອນ​ໄຟ​ໂຈມ​ຕີ

​

     ສໍານັກຂ່າວຫວຽດນາມລາຍງານ, ໂດຍລັດຖະບານ ອົດສະຕຣາລີ ເປີດເຜີຍວ່າ, ຈະຮ່ວມມືກັບບໍ​ລິ​ສັດ​ນອກ​ແວ Kongsberg Defense
& Aerospace, ໃນການລົງທຶນ ຈໍານວນ 850 ລ້ານໂດລາ ເພື່ອສ້າງຕັ້ງໂຮງງານຜະລິດ ແລະ ບຳລຸງຮັກສາລູກສອນໄຟ ຢູ່ເມືອງ ວິລຽມທາວ
( Williamtown) ຂອງປະເທດນີ້.

     ໂຮງງານ​ດັ່ງ ກ່າວ​ຈະ​ສຸມ​ໃສ່​ການ​ຜະລິດ ​ແລະ ບຳລຸງ​ຮັກສາ​ລູກ​ສອນໄຟນຳ​ ວິຖີ​ຂອງກອງທັບ​ເຮືອ (NSM) ​ແລະ ລູກ​ສອນ​ໄຟ​ນຳ​ວິຖີ​ (JSM)
ຂອງກອງທັບອົດສະຕຣາລີ. ຄາດ​ວ່າ​ໂຄງການ​ດັ່ງກ່າວ​ຈະ​ເລີ່​ມດຳເນີນ​ໃນ​ທ້າຍ​ປີ​ນີ້, ເຊິ່ງສອດຄ່ອງກັບເປົ້າ​ໝາຍ​ ​ໃນ​ການ​ເສີມ​ຂະຫຍາຍ​ກຳລັງ​ການ
​ຜະລິດ​ດ້ານ​ປ້ອງ​ກັນ​ປະ​ເທດ​ພາຍ​ໃນ​ປະ​ເທດ ຂອງ​ລັດຖະບານປະເທດນີ້. NSM, ເປັນ ລູກ​ສອນ​ໄຟ​ໂຈມ​ຕີ​ທາງ​ທະ​ເລ​ທີ່​ພັດ​ທະ​ນາ​ ໂດຍ​ບໍ​ລິ​ສັດ​
ນອກ​ແວ Kongsberg Defense & Aerospace, ເປັນ​ລະ​ບົບ​ຕ້ານ​ກໍາປັ່ນ ​ແລະ ​ລູກ ​ສອນ​ໄຟ​ໂຈມ​ຕີ​ທາງ​ບົກ. ລູກ​ສອນ​ໄຟ​ນີ້​ສາມາດ​ໂຈມ
​ຕີເປົ້າໝາຍທີ່​ຢູ່​ຫ່າງ​ໄກ​ກວ່າ 185 ກິ​ໂລ​ແມັດ, ນຳ​ທາງ​ດ້ວຍ GPS ຍາກທີ່ຝ່າຍ ກົງກັນຂ້າມຈະກວດພົບ ແລະ ສະກັດກັ້ນ.

     ສ່ວນຂີປະນາວຸດ JSM Joint Strike Missile ເປັນລູກສອນໄຟນຳວິຖີຍິງທາງອາກາດທີ່ພັດທະນາໂດຍ Kongsberg Defense &
Aerospace, ສ່ວນ ຫຼາຍແມ່ນຖືກຕິດຕັ້ງຢູ່ເຄື່ອງບິນຮົບ F-35 Lightning II. JSM ຍາວປະມານ 4 ແມັດ, ນໍ້າໜັກປະມານ 416 ກິໂລ
ກຣາມ ແລະ ສາມາດຍິງໄດ້ໄກເຖິງ 275 ກິໂລແມັດ.

ແຫຼ່ງທີ່ມາ: ຂກທ
ວັນທີ 27/08/2024